ಪ್ರೀತಿ ಎಂಬ ಬಲೆ

 ನಾನು ಇತರ ಅನೇಕ ಯುವಕರಂತೆ ಕೆಲಸ ಮಾಡಲು ಬೆಂಗಳೂರಿಗೆ ಹೋಗಿದ್ದೆ. ನನ್ನಲ್ಲಿ ಒಂದು ಸಣ್ಣ ಹಳ್ಳಿಯಿಂದ ದೊಡ್ಡ ನಗರಕ್ಕೆ ಬರುವುದು ಗಮನಾರ್ಹ ಬದಲಾವಣೆಯಾಗಿದೆ. ಗೀತಾ ಮತ್ತು ಮಮತಾ ಎಂಬ ಇಬ್ಬರು ರೂಮ್‌ಮೇಟ್‌ಗಳೊಂದಿಗೆ ನಾನು ಪೇಯಿಂಗ್ ಗೆಸ್ಟ್ (ಪಿಜಿ) ವಸತಿಗೃಹದಲ್ಲಿ ಉಳಿದುಕೊಂಡೆ, ಇಬ್ಬರೂ ಎಂಎನ್‌ಸಿಗಳಲ್ಲಿ ಕೆಲಸ ಮಾಡುತ್ತಿದ್ದರು.

ಮಮತಾಗೆ ಪ್ರವೀಣ್ ಎಂಬ ಗೆಳೆಯನಿದ್ದ, ಅವರು ಒಂದೇ ಕಾಲೇಜ್ ನಲ್ಲಿ ಓದಿದ್ದರೂ.ಮಮತಾ 4 ವರ್ಷ ಹಿಂದೇನೇ ಬೆಂಗಳೂರಿಗೆ ಬಂದರು.ಪ್ರವೀಣ್ ತನ್ನ ಫೇಲ್ ಆದ ವಿಷಯವನ್ನು ಪಾಸ್ ಮಾಡಿ ವಿಷಯವನ್ನು  2 ವರ್ಷಗಳ ನಂತರ ಬಂದನು.

ಡಿಗ್ರಿ ಮುಗಿಸಿ ಎರಡು ವರ್ಷ ಕಳೆದರೂ ಪ್ರವೀಣ್‌ಗೆ ಇನ್ನೂ ಕೆಲಸ ಸಿಕ್ಕಿರಲಿಲ್ಲ. ಪ್ರವೀಣ್ ನಿರುದ್ಯೋಗಿ ಎಂಬುದು ಮಮತಾಗೆ ತಿಳಿದಿತ್ತು ಮತ್ತು ಪದವಿ ಮುಗಿದ ನಂತರ ಕೆಲಸ ಹುಡುಕುತ್ತಾ ಸಮಯ ಹಾಳು ಮಾಡಿದ್ದಾನೆ ಎಂದು ಚಿಂತೆ ಪಡುತ್ತಿದ್ದಳು

ಇಷ್ಟೆಲ್ಲಾ ಆದರೂ ಮಮತಾ ಪಿಜಿ ಬಾಡಿಗೆ, ಊಟ, ಇತರೆ ಖರ್ಚು ಸೇರಿದಂತೆ ಎಲ್ಲವನ್ನೂ ನೋಡಿಕೊಳ್ಳುತ್ತಿದ್ದರು. ಅವಳು ತನ್ನ ತಂಗಿಯ ಶಿಕ್ಷಣವನ್ನು ಕುಟುಂಬದ ವೆಚ್ಚ  ಸೇರಿದಂತೆ ಅನೇಕ ಜವಾಬ್ದಾರಿಗಳನ್ನು ಹೊಂದಿದ್ದಳು, ಇನ್ನೂ ಪ್ರವೀಣ್‌ನನ್ನು ನೋಡಿಕೊಳ್ಳುವ ಜವಾಬ್ದಾರಿ.

ಮತ್ತೊಂದೆಡೆ ಪ್ರವೀಣ್ ಪ್ರತಿದಿನ ರೆಸ್ಟೋರೆಂಟ್‌ಗಳಲ್ಲಿ ಊಟ ಮಾಡುತ್ತಿದ್ದರೆ, ಮಮತಾ PG ಆಹಾರ ಇಷ್ಟವಿಲ್ಲವಾದರೂ ಸಹಿಸಿಕೊಳ್ಳುತ್ತಿದ್ದಳು..

ಒಂದು ದಿನ, ನಾವು ಮೂವರು ಹುಡುಗಿಯರು ರೆಸ್ಟೋರೆಂಟ್ ಗೆ ಹೋದಾಗ, ಪ್ರವೀಣ್ ಸಹ ಬಂದ. ಬಿಲ್ ಬಂದಾಗ, ಅವನು ಮಮತಾಳಿಂದ ಹಣ ತೆಗೆದು ಬಿಲ್ ಕಟ್ಟಿದ.ಅವನು ಯಾಕೆ ಇನ್ನೂ ತನಗಾಗಿ ಏಕೆ ಸಂಪಾದಿಸುತ್ತಿಲ್ಲ ಎಂದು ಆಲೋಚಿಸಿದೆ. 4-5 ವರ್ಷಗಳಿಂದ ಮಮತಾ ಅವರಿಗೆ ಆರ್ಥಿಕ ನೆರವು ನೀಡುತ್ತಿದ್ದರು.

ಮಮತಾಳ ಪೋಷಕರು ಅವಳಿಗೆ ವರನನ್ನು ಹುಡುಕುತ್ತಿದ್ದರು ಮತ್ತು ಮಮತಾ ಅವರಿಗೆ ಪ್ರವೀಣ್ ಅವರನ್ನು ಪರಿಚಯಿಸಿದರು. ಆದರೆ, ಪ್ರವೀಣ್‌ಗೆ ಒಂದು ಮನೆಯನ್ನು ಹೊರತುಪಡಿಸಿ ಯಾವುದೇ ಉದ್ಯೋಗ ಮತ್ತು ಕುಟುಂಬದ ಆಸ್ತಿ ಇಲ್ಲದ ಕಾರಣ ಅವರು  ಒಪ್ಪಲಿಲ್ಲ.ಆದರೆ, ಮಮತಾ ಮದುವೆಯಾಗಲು ಸಿದ್ಧರಾಗಿದ್ದರು.

ಪ್ರವೀಣ್  ಮದುವೆಯಾಗಲು ಆಸಕ್ತಿ ಹೊಂದಿರಲಿಲ್ಲ. ಅವರ ವಯಸ್ಸಿನಲ್ಲಿ, ಹೆಚ್ಚಿನ ಹುಡುಗರು ಜೀವನವನ್ನು ಆನಂದಿಸಲು ಬಯಸುತ್ತಾರೆ ಮತ್ತು ಮದುವೆಯ ಬಗ್ಗೆ ಯೋಚಿಸುವುದಿಲ್ಲ ಎಂದು ಹೇಳಿದ.

ಅಂತಿಮವಾಗಿ, ಮಮತಾಳ ಮದುವೆ ನಿಗದಿಯಾಯಿತು. ಮತ್ತು ನಾನು ಆ ಮದುವೆಗೆ ಹಾಜರಾದೆ. ಶ್ರೀಮಂತ ಹುಡುಗ ಸಿಕ್ಕಿದ ಆದಕ್ಕೆ ಪ್ರವೀಣ್ ನ ಬಿಟ್ಟ ಎಂದು ಸ್ನೇಹಿತರು ಮಾತನಾಡಿಕೊಳ್ಳುವುದನ್ನು ಕೇಳಿಸಿಕೊಂಡೆ.

ಮಮತಾ ಪ್ರೀತಿಯಲ್ಲಿ ಎಷ್ಟು ಕಷ್ಟ ಅನುಭವಿಸಿದ್ದಾಳೆ ಮತ್ತು ಅವನ ಮೇಲೆ ಎಷ್ಟು ಹಣ ವ್ಯಯಿಸಿದ್ದಾಳೆಂದು ನಾನು ನೋಡಿದ್ದೆ. ಪ್ರವೀಣ್, ಜನರ ಮುಂದೆ ಬಿಲ್ ಕಟ್ಟಲು ನಿಲ್ಲುತ್ತಿದ್ದ , ಆದರೆ ಹಣವನ್ನು ಮಮತಾ ಕೊಡುತ್ತಿದ್ದರು. ನಾನು ಆ ಸಂದರ್ಭದಲ್ಲಿ ಅರ್ಥಮಾಡಿಕೊಂಡೆ, ಮಮತೆಯಂಥ ಇನ್ನೂ ಕುರುಡು ಪ್ರೇಮಿಗಳು ಇದ್ದಾರೆ.