ಹುಚ್ಚು ಪ್ರೀತಿ

ಅರೆ, ನಾನು ಶ್ವೇತಾಳನ್ನು ಬೆಂಗಳೂರಿನಲ್ಲಿ ನೋಡಿದೆ. ನಾವು ಇಬ್ಬರೂ ಒಟ್ಟಿಗೆ ಓದಿ ಎಷ್ಟೋ ವರ್ಷಗಳಾಯಿತು. ನಾವು ಡಿಗ್ರಿ ಮಾಡುವಾಗ, ಹಾಸ್ಟೆಲ್‍ನಲ್ಲಿ ಜೊತೆ ಇರ್ತಿದ್ವಿ. ನಮ್ಮ ಕೆಲವು ಉತ್ತಮ ದಿನಗಳನ್ನು ಒಟ್ಟಿಗೆ ಹಂಚಿಕೊಂಡಿದ್ದೇವೆ,  ದೊಡ್ಡ ಕನಸುಗಳನ್ನು ಹೊಂದಿದ್ದೇವೆ ಮತ್ತು ಪರಸ್ಪರ ಬೆಂಬಲಿಸುತ್ತಿದ್ದೆವು.ಅವಳು ತನ್ನ ಗಂಡನನ್ನೂ, ಮಗುವನ್ನೂ ಪರಿಚಯಿಸಿದಳು. ಅವಳ ಮುದ್ದಾದ ಕುಟುಂಬವನ್ನು ನೋಡಿದಾಗ, ನನಗೆ ಥಟ್ಟನೆ ನಮ್ಮ ಕಾಲೇಜು ದಿನಗಳು ನೆನಪಾದವು.ನನಗೆ ಪರೀಕ್ಷೆಯ ದಿನದೊಂದು ಘಟನೆ ನೆನಪಿದೆ. ಹಿಂದಿನ ರಾತ್ರಿ, ನಾನು ಇಡೀ ರಾತ್ರಿ ಓದಿದ್ದೆ, ಆದರೆ ಶ್ವೇತಾ ಬೇಗನೆ ಮಲಗಿಬಿಟ್ಟಳು. ಮರುದಿನ ಬೆಳಗ್ಗೆ, ನಾನು ಪರೀಕ್ಷೆಗೆ ಸಿದ್ಧಗೊಂಡೆ, ಆದರೆ ಶ್ವೇತಾ ಇನ್ನೂ ನಿದ್ದೆಯಲ್ಲಿ ಮಲಗಿದ್ದಳು. ನಾನು ಅವಳನ್ನು ಎಬ್ಬಿಸಿ, ಪರೀಕ್ಷೆ ಹಾಲ್‍ಗೆ ಹೋದೆ, ಆದರೆ ಅವಳು ಪರೀಕ್ಷೆಗೆ ಹಾಜರಾಗಲಿಲ್ಲ.ಪರೀಕ್ಷೆಯ ನಂತರ ನಾನು ಹಾಸ್ಟೆಲ್‍ಗೆ ಬಂದು ನೋಡಿದಾಗ, ಶ್ವೇತಾ ಅತ್ತು ಅವಳ ದಿಂಬು ಸಂಪೂರ್ಣವಾಗಿ ನೆನೆಸಿತ್ತು. ನಾನು ಅವಳನ್ನು ಏನಾಯ್ತು ಅಂತ ಕೇಳಿದಾಗ, ಅವಳು ಉತ್ತರಿಸಲಿಲ್ಲ.ನಾನು ನನ್ನ ಮೊಬೈಲ್ ರೂಮ್‍ನಲ್ಲಿ ಬಿಟ್ಟು ಹೋಗಿದ್ದೆ, ಪರೀಕ್ಷೆ ಮುಗಿಸಿಕೊಂಡು ಬಂದ ಮೇಲೆ ನೋಡಿದಾಗ, ಶ್ವೇತಾ ನನ್ನ ಫೋನ್ ಬಳಸಿಕೊಂಡು, ಒಂದೇ ನಂಬರ್‍ಗೆ ಹಲವಾರು ಬಾರಿ ಕರೆ ಮಾಡಿ, ಮೆಸೇಜ್ ಕಳುಹಿಸಿದ್ದಳು. ಆದ್ರೆ, ಪ್ರತಿಕ್ರಿಯೆ ಬಂದಿರಲಿಲ್ಲ. ನಾನು ಮತ್ತೆ ಕೇಳಿದಾಗ, ಶ್ವೇತಾ ನನಗೆ ಕಥೆ ಹೇಳಿದಳು. ಅದು ಒಂದು ರಾಂಗ್ ನಂಬರ್ ಆಗಿತ್ತು. ಅವನ ಸೋದರ ಸಂಬಂಧಿ ಮಗಳು ನಮ್ಮ ಹಾಸ್ಟೆಲ್‍ನಲ್ಲಿ ಇದ್ದಳು.ಅಂದು ಸಂಜೆ ಅವಳಿಗೆ ಆ ಹುಡುಗನಿಂದ ಮೆಸೇಜ್ ಬಂದಿತ್ತು, 'ಇಂದು ತುಂಬಾ ಬ್ಯುಸಿ ಇದ್ದೆ, ಹಾಗಾಗಿ ಕರೆಯ ಸ್ವೀಕರಿಸಲು ಆಗಲಿಲ್ಲ' ಎಂದು. ಎರಡು ದಿನಗಳ ನಂತರ, ಅವನು ಬಲವಂತವಾಗಿ ಮದುವೆಯಾಗಿದ್ದಾನೆಂದು ಅವಳಿಗೆ ತಿಳಿಸಿದ. 2ನೇ ದಿನವೂ ಅವಳು ಪರೀಕ್ಷೆ ಬರೆಯಲಿಲ್ಲ. ಇಷ್ಟೊಂದು ಹಿನ್ನಡೆಗಳಿಂದಾಗಿ, ಶ್ವೇತಾ ಒಂದು ಇಡೀ ವರ್ಷ ವ್ಯರ್ಥ ಮಾಡಿಬಿಟ್ಟಳು.ನಾನು ಅಂತಿಮ ವರ್ಷಕ್ಕೆ ಹಾಜರಾಗಲು ಹೋದೆ, ಮತ್ತು ಅದಾದ ನಂತರ, ನಾವು ಸಂಪರ್ಕವನ್ನು ಕಳೆದುಕೊಂಡೆವು.